Abaganga 10 bo muri Kenya mu minsi 4 gusa bishwe na Covid-19, imyigaragambyo irashoboka!

 Inshamake   Nyuma y'uko abaganga 10 bapfuye bishwe na coronavirus mu minsi ine gusa ishize, ihuriro ry'abaganga muri Kenya ryaburiye leta ko mu minsi 21 rizakora imyigaragambyo.

Abaganga 10 bo muri Kenya mu minsi 4 gusa bishwe na Covid-19, imyigaragambyo irashoboka!

 Inshamake   Nyuma y'uko abaganga 10 bapfuye bishwe na coronavirus mu minsi ine gusa ishize, ihuriro ry'abaganga muri Kenya ryaburiye leta ko mu minsi 21 rizakora imyigaragambyo.

Umusare - Amakuru mu buryo utamenyereye.

Abaganga bane muri abo bapfuye kuwa Gatanu tariki 13 Ugushyingo 2020, nubwo bitazwi neza niba Covid-19 barayandujwe n'abarwayi, n’ubwo ihuriro ryabo rishinja leta kubategeza Covid-19.

 

Mwachonda Chibanzi ukuriye ihuriro ry’abaganga mu gihugu cya Kenya yavuze ko bazigaragambya niba ibyo basaba leta itabikoze, aho basaba leta gutanga ibikoresho bikwiriye birinda abaganga n'abafasha babo ku bitaro byose bya leta n'ibyigenga mu gihugu, bakanayisaba guha abakozi bose bo mu rwego rw'ubuzima ubwishingizi bukwiriye.

 

Mwachonda yagize ati

Turakomeza imirimo yacu muri ibi byumweru bitatu, ariko nyuma yabyo niba ibyo dusaba bitubahirijwe tuzahamagarira abanyamuryango bose mu gihugu kwigaragambya.

Mwachonda Chibanzi ukuriye ihuriro ry’abaganga mu gihugu cya Kenya avuga ko bazigaragambya niba ibyo basaba leta itabikoze.

Ni mu gihe Minisitiri w'ubuzima wa Kenya, Mutahi Kagwe, yavuze ko kuri uyu wa Mbere tariki 16 Ugushyingo 2020 hari inama yo kwiga ku kwiyongera kwa coronavirus mu gihugu, no mu bakozi bo kwa muganga.

 

Kugeza ubu muri Kenya hamaze gutangazwa amantu 70,200 banduye coronavirus, mu gihe abagera ku 1,269 bamaze guhitanwa n’iki cyorezo cyugarije isi. 

Minisitiri w'ubuzima wa Kenya, Mutahi Kagwe, yemeje ko hari inama yo kwiga ku kwiyongera kwa coronavirus mu gihugu, no mu bakozi bo kwa muganga.


 

GIRICYO UBIVUGAHO


Iyi nkuru ntiravugwaho!