APR FC yerekeje muri CAF Confederations Cup nyuma yo kunyagirwa 4 ku busa

 Inshamake   APR FC yari ihagarariye u Rwanda muri CAF Champions League, yanyagiwe na Étoile Sportif du Sahel ibitego 4-0, isezererwa muri CAF Champions League yerekeza muri CAF Confederations Cup.

APR FC yerekeje muri CAF Confederations Cup nyuma yo kunyagirwa 4 ku busa

 Inshamake   APR FC yari ihagarariye u Rwanda muri CAF Champions League, yanyagiwe na Étoile Sportif du Sahel ibitego 4-0, isezererwa muri CAF Champions League yerekeza muri CAF Confederations Cup.

Umusare - Amakuru mu buryo utamenyereye.

Ni mu mukino wo kwishyura wabereye kuri Stade Mustapha Ben Jannet i Monastir kuri uyu wa Gatandatu tariki 23 Ukwakira 2021, aho igice cya mbere cyarangiye Étoile du Sahel yatsinze igitego 1-0 cyabonetse ku munota wa 17 cyinjijwe na Yassine Chikhaoui kuri penaliti ku mupira wakozwe na Niyomugabo Claude.


Igice cya kabiri kigitangira, iyi kipe yo muri Tunisia yabonye ikindi gitego cyinjijwe na Yassine Chikhaoui mbere y’uko ibona ibindi bitego mu minota ya nyuma birimo icya penaliti ku ikosa Buregeya Prince yakoreye Mohammed Dhaoui, ayinjiza neza, n'ikindi gitego nyuma y’umunota umwe, cyinjijwe na Aly Soumah.


Gutsinda uyu mukino byahesheje Étoile Sportif du Sahel kugera mu matsinda ya CAF Champions League itsinze ibitego 5-1 mu mikino yombi kuko mu mukino ubanza zari zanganyije kimwe ku kindi, mu gihe APR FC izakina ijonjora rya gatatu rya CAF Confederation Cup mu mpera z’ukwezi gutaha, dore ko ariyo mahirwe isigaranye mu mikino nyafurika, aho igomba gushaka itike mu mikino ya CAF Confederation Cup.


Biteganijwe ko APR FC izava muri Tunisia kuri iki Cyumweru, aho izagera i Kigali ku wa Mbere tariki ya 26 Ukwakira 2021.

 

Abakinnyi babanje mu kibuga ku mpande zombi:


Étoile Sportif du Sahel: Ali Jemal, Houcine Benayada, Saddam Ben Aziza, Ghofrane Nawali, Youcef Laouafi, Jacques Mbé, Oussema Abid, Yassine Chikhaoui, Yassine Amri, Tayeb Meziani na Zineddine Boutmene.


APR FC: Ishimwe Jean Pierre, Omborenga Fitina, Niyomugabo Claude, Buregeya Prince, Karera Hassan, Ruboneka Jean Bosco, Mugisha Bonheur, Nsanzimfura Keddy, Manishimwe Djabel (c), Kwitonda Alain na Nshuti Innocent.

APR FC izakomereza muri CAF Confederations Cup, izagera mu Rwanda ku wa Mbere tariki ya 26 Ukwakira 2021.

 

GIRICYO UBIVUGAHO


Iyi nkuru ntiravugwaho!