Biravugwa ko CNRD-FLN irwanya Leta y’u Rwanda imaze gusenyuka ku kigero cya 90%.

 Inshamake   Amakuru atandukanye avuga ko Laurent Ndagijimana, uzwi ku mazina ya Wilson Irategeka Na Rumbago bivugwa yaba yariciwe mu mirwano y'ingabo za DR Congo n'inyeshyamba ayobora za CNRD-FLN, bikaba binavugwa kandi ko uyu mutwe urwanya Leta y’u Rwanda umaze gusenyuka ku kigero cya 90%.

Biravugwa ko CNRD-FLN irwanya Leta y’u Rwanda imaze gusenyuka ku kigero cya 90%.

 Inshamake   Amakuru atandukanye avuga ko Laurent Ndagijimana, uzwi ku mazina ya Wilson Irategeka Na Rumbago bivugwa yaba yariciwe mu mirwano y'ingabo za DR Congo n'inyeshyamba ayobora za CNRD-FLN, bikaba binavugwa kandi ko uyu mutwe urwanya Leta y’u Rwanda umaze gusenyuka ku kigero cya 90%.

Umusare - Amakuru mu buryo utamenyereye.

Umuvugizi w'ingabo za DR Congo muri Kivu y'Epfo, Kapiteni Dieudonné Kasereka yabwiye BBC dukesha iyi nkuru ko mu minsi micye ishize barasanye n'abarwanyi ba CNRD-FLN, aho iyo mirwano ngo yabereye ahitwa Mwenda muri Kivu y'Epfo, yemeza ko hishwe inyeshyamba nyinshi, ntavuga niba hari ingabo za leta zahaguye, anagira icyo avuga ku rupfu rwa Wilson Irategeka.


Kapiteni Dieudonné Kasereka yagize ati

Mu gace ka Kalehe muri Kivu y'Epfo twakurikiranye izi nyeshyamba ahitwa Kabare, duheruka kurasanira nazo ahitwa Mwenda. Ku rupfu rwa Wilson Irategeka ntabwo ubu nahita mbyemeza turacyagenzura imirambo y'abishwe kuko ni benshi barashwe, tuzabyemeza nyuma y'igenzura mu gihe gikwiye.


Yakomeje avuga ko icyo yakwemeza ari uko uyu mutwe wa CNRD-FLN bamaze kuwusenya ku kigero cya 90%.

Kapiteni Dieudonné Kasereka uvugira ingabo za DR Congo muri Kivu y'Epfo avuga ko atahita yemeza urupfu rwa Wilson Irategeka, gusa yemeza ko bamaze gusenya umutwe wa CNRD-FLN ku kigero cya 90%. 


Kuva mu kwezi kwa gatandatu gushize impuzamashyaka MRCD-Ubumwe yatangaje ko ishyaka rya CNRD - Ubumwe riyoborwa na Wilson Irategeka ariryo riyoboye iyi mpuzamashyaka kuri manda isimburanwaho y'umwaka umwe.


Kugeza ubu MRCD - Ubumwe ari nayo ifite umutwe wa FLN ntacyo iratangaza ku makuru y'iyicwa rya Wilson Irategeka wahoze ari umurwanyi mu nyeshyamba za FDLR aza kuyivamo ashinga ishyaka rye, bivugwa ko ibi byabaye hagati ya 2015 na 2016.

Wilson Irategeka wahoze ari umurwanyi mu nyeshyamba za FDLR aza kuyivamo ashinga ishyaka rye. 


Mu kwezi kwa karindwi Perezida wa DR Congo ari i Beni yatangaje ko hagiye gutangira ibitero bikomeye by'ingabo za leta bigomba kurandura imitwe yitwaje intwaro mu burasirazuba bwa DR Congo, ndetse mu kwezi kwa cumi, ingabo za DR Congo zatangiye ibyo bitero kuri iyo mitwe y'inyeshyamba harimo n’irwanya ubutegetsi bw'u Rwanda nka FDLR na FLN, aho muri ibi bitero, abasirikare bakuru mu nyeshyamba za FDLR zikorera muri Kivu ya ruguru nka Jenerali Sylvestre Mudacumura yarishwe, Juvénal Musabyimana alias Jean-Michel Africa aricwa naho Koloneri Nshimiyimana Asifiwe Manudi arafatwa.

 

Ni mu gihe kandi mu nyeshyamba za CNRD - FLN zikorera muri Kivu y'Epfo, abarwanyi bawo benshi baheruka gufatwa boherezwa mu Rwanda barimo n’umuvugizi w'uyu mutwe Herman Nsengimana unaherutse kwerekwa itangazamakuru n’urwego rw’igihugu rushinzwe ubugenzacyaha(RIB).

Herman Nsengimana, umwarimu wari warihaye ipeti rya Kapiteni akaba yari umuvugizi wa FLN ni umwe mu barwanyi benshi b'uyu mutwe baherutse gufatwa boherezwa mu Rwanda, aha yerekwaga itangazamakuru.


 

GIRICYO UBIVUGAHO


Iyi nkuru ntiravugwaho!