Bobi Wine uhatanira kuyobora Uganda yagejejwe mu rukiko anarekurwa by’agateanyo!

 Inshamake   Nyuma yo gutabwa muri yombi ku wa Gatatu tariki 18 Ugushyingo 2020, Urukiko rwo mu burasirazuba bwa Uganda rwareze umukandida-perezida Robert Kyagulanyi, uzwi nka Bobi Wine, gukora igikorwa gishobora kuvamo gukwirakwiza indwara yandura.

Bobi Wine uhatanira kuyobora Uganda yagejejwe mu rukiko anarekurwa by’agateanyo!

 Inshamake   Nyuma yo gutabwa muri yombi ku wa Gatatu tariki 18 Ugushyingo 2020, Urukiko rwo mu burasirazuba bwa Uganda rwareze umukandida-perezida Robert Kyagulanyi, uzwi nka Bobi Wine, gukora igikorwa gishobora kuvamo gukwirakwiza indwara yandura.

Umusare - Amakuru mu buryo utamenyereye.

Umunyamuziki Bobi Wine, w'imyaka 38, ni umwe mu bakandida-perezida 11 barimo guhatana na Perezida Yoweri Museveni umaze imyaka 34 ku butegetsi, yatawe muri yombi muri mitingi yo kwiyamamaza, ashinjwa kurenga ku mabwiriza yo kwirinda coronavirus abuza guterana kw'abantu mu kivunge.

 

Mu rukiko, Bobi Wine yagaragaye arimo kwiyumvira cyane ubwo yari ateze amatwi ibirego yari arimo gusomerwa, mu gihe imiryango iharanira uburenganzira bwa muntu ivuga ko ibi birego ari urwitwazo rwa leta rwo kwibasira abatavuga rumwe nayo.

 

Nyuma y'iminsi ibiri afunze, abamwunganira bashyize bemererwa kubonana na we, aho yarezwe kurenga ku mabwiriza y'urwego rw'ubuvuzi, icyaha gihanishwa igifungo cy'imyaka igera kuri irindwi.

 

Inyubako y'urukiko yari izengurutswe n'abashinzwe umutekano bitwaje intwaro nyinshi, ni mu gihe yarekuwe by'agateganyo, mbere yaho kuri uyu wa gatanu, igisirikare cya Uganda cyavuze ko kigiye kongera abasirikare mu nkengero y'umurwa mukuru Kampala ndetse no mu mijyi yindi ikomeye yo mu gihugu, kugira ngo bahangane n'imyigaragambyo yadutse mu ntangiriro y'iki cyumweru yamagana ifatwa rye.

 

Abigaragambya batatanyijwe no guterwa imyuka iryana mu maso, ndetse hamwe na hamwe baraswamo amasasu nyamasasu, Polisi yavuze ko abantu 37 ari bo bapfiriye muri iyo myigaragambyo, naho abarenga 500 batawe muri yombi.

Umukandida-perezida Robert Kyagulanyi, uzwi nka Bobi Wine mu rukiko yagaragaye yiyumvira, gusa aza kurkurwa by'agateganyo.

Amatora ya perezida muri Uganda azaba ku itariki ya 14 Mutarama 2021, ariko ibyumweru bya mbere by'ibikorwa byo kwiyamamaza byamaze kurangwa n'urugomo rwinshi.

 

Ni mu gihe Umuryango uharanira uburenganzira bwa muntu Human Rights Watch (HRW) uvuga ko bigaragara ko abategetsi ba Uganda barimo gukoresha amabwiriza yo kwirinda Covid-19 mu kwibasira abatavuga rumwe na leta, ndetse ko ishyaka riri ku butegetsi rya NRM ryagiye rikoresha mitingi zitabiriwe n'imbaga y'abantu.

 

Mu kwezi kwa gatandatu, Bobi Wine yari yasezeranyije kurenga ku mabwiriza abuza gukoresha mitingi zitabirwa n'abantu benshi muri iki gihe cy'icyorezo cya coronavirus, icyo gihe yashinje Perezida Museveni "gutinya abaturage", avuga ko kubuza izo mitingi birimo impamvu za politike.


Ni mu gihe kandi igihe amaze ku butegetsi, Perezida Museveni yashinjwe kwibasira abatavuga rumwe na we muri politike, ibyo we yakomeje guhakana.

GIRICYO UBIVUGAHO


Iyi nkuru ntiravugwaho!