Gatsibo: Urubyiruko rurasabwa kugira uruhare mu gukumira ibyaha!

 Inshamake   Urubyiruko rurenga ibihumbi 20 harimo ururi mu mashuri n’urundi rukora ibikorwa bitandukanye, rwiyemeje kugira uruhare rugaragara mu bikorwa by’iterambere ry’igihugu ndetse rukaba no ku isonga mu gukumira no kurwanya ibyaha binyuranye.

Gatsibo: Urubyiruko rurasabwa kugira uruhare mu gukumira ibyaha!

 Inshamake   Urubyiruko rurenga ibihumbi 20 harimo ururi mu mashuri n’urundi rukora ibikorwa bitandukanye, rwiyemeje kugira uruhare rugaragara mu bikorwa by’iterambere ry’igihugu ndetse rukaba no ku isonga mu gukumira no kurwanya ibyaha binyuranye.

Umusare - Amakuru mu buryo utamenyereye.

Uyu muhigo bawiyemeje nyuma y’ubutumwa bahawe mu nama bagiranye n’inzego zitandukanye muri aka karere ku itariki ya 23 Kamena uyu mwaka, nyuma y’igikorwa cy’umuganda udasanzwe bakoreye mu mirenge yose 14 igize aka karere, aho bifatanyije n’ubuyobozi bwa Polisi mu karere ka Gatsibo, inzego z’ibanze n’izindi, aho ibikorwa byibanzweho muri uwo muganda ari iby’iterambere n’imibereho myiza y’abaturage harimo gusiza ibibanza byo kuzubakamo inzu z’abaturage batishoboye, kubaka ubwiherero bwabo, kubumba amatafari yo kubaka izo nzu, kubaka ibiraro rusange by’amatungo mu midugudu itandukanye n’ibikorwa by’isuku n’isukura bitandukanye.


Aganira n’urubyiruko rwo mu murenge wa Kabarore, Umuyobozi wa Polisi mu karere ka Gatsibo, Chief Inspector of Police (CIP) John Muhirwa, yagarutse ku bubi bw’ibiyobyabwenge; cyane cyane ku rubyiruko aho yagize ati: " Ibiyobyabwenge ni byo  ntandaro y’ikorwa ry’ibindi byaha nko gufata ku ngufu abagore n’abakobwa, ubujura ndetse no gukubita no gukomeretsa.Ibiyobyabwenge kandi bituma habaho ingaruka zitandukanye harimo kureka amashuri,gushaka imburagihe ndetse no gutwara inda , tutibagiwe n’igifungo ku bafashwe babikoresha."


CIP John Muhirwa yakomeje agira inama uru rubyiruko yo kwirinda kwishora mu busambanyi kuko butuma bahura n’ibibazo bitandukanye birimo kwandura icyorezo cya Sida ndetse no gutwara inda ku bakobwa, ibi bikaba ari na yo ntandaro yo gushaka kuzikuramo kuri bamwe bikaba byabaviramo kubura ubuzima n’ibindi bibazo bitandukanye.

CIP John Muhirwa aganira n'urubyiruko rw'i Gatsibo yarusabye kwirinda no kugira uruhare mu gukumira ibyaha dore ko bibagiraho ingaruka.


Umuyobozi w’ishami ry’uburezi mu karere ka Gatsibo, Ngamije Hassan wari uhagarariye umuyobozi w’akarere we yahamagariye urubyiruko  rwo mu murenge wa Kageyo n’urwo muri aka karere muri rusange, guharanira gukunda igihugu cyabo bitabira ibikorwa by’iterambere bigamije imibereho myiza y’abaturage ndetse bakanirinda n’ikintu cyose cyabangamira umutekano muri rusange w’igihugu.
Ngamije ati: "Urubyiruko, muri amaboko y’igihugu, ni ngombwa ko rero imbaraga zanyu muzikoresha mu guteza imbere igihugu cyanyu."


Uyu muyobozi ushinzwe uburezi mu karere ka Gatsibo yanaboneyeho gusaba urwo rubyiruko gufatanya n’inzego z’umutekano muri gahunda yo  gukomeza kuwusigasira;  cyane cyane batanga amakuru kugira ngo habeho gukumira ibyaha hakiri kare.

Ibikorwa byibanzweho muri uwo muganda ni iby’iterambere n’imibereho myiza y’abaturage harimo no kubakira ubwiherero abatishoboye.

 

GIRICYO UBIVUGAHO


Iyi nkuru ntiravugwaho!