Kasuku yitwa Eric yatabaye Anton Nguyen ntiyahitanwa n’inkogi y’umuriro!

 Inshamake   Umugabo wo muri Australia avuga ko yashoboye kurokoka inkongi y'umuriro yabaye nijoro mu nzu ye nyuma yuko inyoni ya kasuku yoroye imukanguye.

Kasuku yitwa Eric yatabaye Anton Nguyen ntiyahitanwa n’inkogi y’umuriro!

 Inshamake   Umugabo wo muri Australia avuga ko yashoboye kurokoka inkongi y'umuriro yabaye nijoro mu nzu ye nyuma yuko inyoni ya kasuku yoroye imukanguye.

Umusare - Amakuru mu buryo utamenyereye.

Anton Nguyen yari asinziriye ubwo inzu abamo y'amagorofa abiri yafatwaga n'inkongi mu mu mujyi wa Brisbane muri leta ya Queensland kuri uyu wa gatatu.

 

Yabwiye televiziyo ABC yo muri Australia ko yumvise ikintu gisakuza na kasuku ye yitwa Eric itangira gusakuza itabaza nuko arabyuka, yihumurije yumva umwotsi. Afata Eric, ubundi afungura umuryango areba inyuma y'inzu abona umuriro nuko yerekeza hasi arahunga.

 

Ubwo abazimya umuriro bahageraga hafi ku isaha ya saa saba z'ijoro (01:00) zaho, inzu yose yari yamaze gufatwa n'inkongi, bisaba amatsinda ane y'abazimya umuriro bamaze igihe kirenga isaha imwe irenga kugira ngo bazimye uwo muriro kuri iyo nzu iri mu gace ka Kangaroo Point kari mu nkengero y'umujyi wa Brisbane.

 

Bwana Nguyen, wibana mu nzu, yavuze ko yahunganye n'iyo nyoni n'igikapu, kandi ko atakomeretse.

 

Iyi kasuku y'ibara ry'icyatsi kibisi yari yakomeje gusakuza isubiramo izina rye "Anton", nkuko byavuzwe na Cameron Thomas ukuriye itsinda ryo kuzimya umuriro n'ibikorwa by'ubutabazi bwihuse muri leta ya Queensland.

 

Bwana Thomas yagize ati

[Mu nzu] Hari hari ibyuma bitahura ko hari umwotsi [ariko] inyoni yatabaje mbere yuko ibyuma bitahura umwotsi bisakuza.

Eric ifite ibara ry'icyatsi yatabaye Anton Nguyen uyoroye ntiyahitanwa n'inkongi y'umuriro.

Kugeza ubu icyateye inkongi ntabwo kiramenyekana, kiracyakorwaho iperereza.
 

GIRICYO UBIVUGAHO


Iyi nkuru ntiravugwaho!