Mukura VS yeretse Ruremesha wayitozaga umuryango uyisohakamo

 Inshamake   Ikipe ya Mukura VS yamaze gusesa amasezerano ya Ruremesha Emmanuel wari umutoza mukuru wayo, imushinja umusaruro muke.

Mukura VS yeretse Ruremesha wayitozaga umuryango uyisohakamo

 Inshamake   Ikipe ya Mukura VS yamaze gusesa amasezerano ya Ruremesha Emmanuel wari umutoza mukuru wayo, imushinja umusaruro muke.

Umusare - Amakuru mu buryo utamenyereye.

Ni nyuma y’aho muri Nyakanga 2021 aribwo Mukura VS yari yahaye akazi Ruremesha Emmanuel nk’umutoza wayo mukuru, gusa nyuma y’imikino umunani gusa ahagarikwa by’agateganyo ashinjwa umusaruro muke.


Ruremesha yari yongeye gukomeza akazi ke mu minsi ishize, ariko ikipe ya Mukura VS yemeza gusesa amasezerano nawe nyuma y’imikino ibiri gusa agarutse, aho yatsindiwe na Police FC mu rugo i Huye, inanganya na Gicumbi FC mu mukino wabereye i Gicumbi ku wa Kane tariki 20 Mutarama 2022.


Biteganijwe ko iyi kipe ya Mukura VS igiye kuba itozwa by’agateganyo na Nshimiyimana Canisius wari umutoza wungirije, mu gihe bagishakisha undi mutoza mukuru, nk'uko iyi kipe yabinyujije ku ubuga rwayo rwa Twitter.

Mukura VS yemeje ko yatandukanye na Ruremesha, inavuga ko iyi kipe iraba itozwa na Nshimiyimana Canisius usanzwe ari umutoza wungirije.


Kugeza ubu nyuma y’imikino 12 ya shampiyona imaze gukinwa, ikipe ya Mukura VS, iri ku mwanya wa 11 n’amanota 14, ikaba imaze gutsinda imikino itatu, inganya itanu ndetse inatsindwa imikino ine, ikaba ifite n’ikirarane igomba kuzahuramo na APR FC.

Ruremesha yari yageze muri Mukura VS nk'umutoza mukuru muri Nyakanga umwaka ushize wa 2021.

 

GIRICYO UBIVUGAHO


Iyi nkuru ntiravugwaho!