Nyakwigendera Umuhire Valentin yasezeweho bwa nyuma ashyingurwa i Rusororo

 Inshamake   Umunyamakuru Umuhire Valentin uheruka kwitaba Imana tariki 07 Mutarama 2021 azize uburwayi, yashyinguwe kuri uyu wa Mbere tariki 11 Mutarama 2021 mu irimbi rya Rusororo mu Karere ka Gasabo.

Nyakwigendera Umuhire Valentin yasezeweho bwa nyuma ashyingurwa i Rusororo

 Inshamake   Umunyamakuru Umuhire Valentin uheruka kwitaba Imana tariki 07 Mutarama 2021 azize uburwayi, yashyinguwe kuri uyu wa Mbere tariki 11 Mutarama 2021 mu irimbi rya Rusororo mu Karere ka Gasabo.

Umusare - Amakuru mu buryo utamenyereye.

Ni nyuma y’aho mu gitondo umurambo we wakuwe mu buruhukiro bw’ibitaro bya CHUK, ujyanwa kuri Mont Kigali ahitwa ku Kigaraje mu karere ka Nyarugenge, ahabereye imihango yo kumusezera, hakurikiraho misa yo kumusabira yabereye kuri Regina Pacis i Remera, hanyuma ashyingurwa mu irimbi rya Rusororo.

Umurambo wa Nyakwigendera Valentin wakuwe mu buruhukiro bw’ibitaro bya CHUK, ujyanwa kuri Mont Kigali ahitwa ku Kigaraje mu karere ka Nyarugenge, ahabereye imihango yo kumusezera.


Inkuru y’urupfu rw’umunyamakuru Umuhire Valentin yamenyekanye ku mugoroba wo ku wa Kane tariki 07 Mutarama 2021 itangajwe na murumuna we wavuze ko yari arwariye mu bitaro bya Kigali (CHUK).


Umuhire Valentin yari azwi cyane mu itangazamakuru ryo mu Rwanda nk’umwe mu barimazemo igihe, aho yamenyekanye cyane avuga amakuru kuri Radio Rwanda ndetse benshi mu banyamakuru bakamufata nk’icyitegererezo akaba n’umwe mu bahanga mu gusoma amakuru.


Yagiye akora no mu bindi bitangazamakuru bitandukanye birimo Radio & TV10, Radio Huguka, Pax Press, Syfia Grands Lacs, akaba n’umuhanga mu kuyobora ibiganiro, aho yari umwe mu bayoboraga ikiganiro ‘Urubuga rw’Itangazamakuru’ cy’ishyirahamwe ry’abanyamakuru mu Rwanda (ARJ).


Valentin yari atuye mu mujyi wa Musanze akora ibijyanye n’ubuhinzi ariko abifatanya n’itangazamakuru, dore yari anafite igitangazamakuru cye gikorera kuri Internet cyitwa ‘Valuenews’.

Misa yo gusabira Nyakwigendera Umuhire Valentin yabereye kuri Regina Pacis i Remera.


Umuhire Valentin yavukiye i Mwendo mu murenge wa Rutare mu karere ka Gicumbi tariki 02 Kanama 1978, akaba yari azwiho kuba umuntu usabana kandi akicisha bugufi, nk’uko benshi mubo bakoranye babanye, ndetse n’abo baturanye bagiye babigaragaza ku mbuga nkoranyambaga zitandukanye.


Imana imuhe iruhuko ridashira!

 

Andi mafoto:

Umuhire Valentin yavutse tariki 02 Kanama 1978 atabaruka ku wa Kane tariki 07 Mutarama 2021.
Nyakwigendera Umuhire Valentin yasize umugore n'umwana w'umuhungu ufite imyaka 9.
Ku irimbi, Umuyobozi wa Rwanda Media Commission, Bwana Peacemaker Mbungiramihigo ubwo yasezeraga Valentin bwa nyuma.
Abantu batandukanye bari baje guherekeza Nyakwigendera Umuhire Valentin.
Nyakwigendera Umuhire Valentin Imana imuhe iruhuko ridashira.


 

GIRICYO UBIVUGAHO


Iyi nkuru ntiravugwaho!