Perezida Pervez Musharraf wayoboraga Pakistan yakatiwe urwo gupfa!

 Inshamake   Urukiko rwihariye rw'i Islamabad muri Pakistan rwakatiye urwo gupfa General Pervez Musharraf wahoze ari perezida w'iki gihugu.

Perezida Pervez Musharraf wayoboraga Pakistan yakatiwe urwo gupfa!

 Inshamake   Urukiko rwihariye rw'i Islamabad muri Pakistan rwakatiye urwo gupfa General Pervez Musharraf wahoze ari perezida w'iki gihugu.

Umusare - Amakuru mu buryo utamenyereye.

Gen Musharraf yafashe ubutegetsi kuri 'coup d'état' ya gisirikare mu 1999, aba Perezida w'igihugu kuva mu 2001 kugeza mu 2008 ubwo yeguraga ku butegetsi, yakatiwe urwo gupfa uyu munsi, nyuma yo guhamwa ubugambanyi bukomeye mu rubanza rwahereye mu 2013 nk’uko tubikesha BBC, akaba yakatiwe adahari, dore ko kuva mu 2016 ari i Dubai nyuma yo kwemererwa kuva mu gihugu ngo ajye kwivuza, aho mu ntangiriro z'uku kwezi, aho ari mu bitaro, Bwana Musharraf yasohoye amashusho (video) avuga ko ibyo aregwa "nta shingiro bifite".


Ibyaha aregwa bishingiye ku kuvanaho itegeko nshinga mu 2007 agatangaza ibihe bidasanzwe mu gihugu mu mugambi wo gushaka kuguma ku butegetsi, akaba ariwe mutegetsi wa mbere wa gisirikare muri Pakistan ugejejwe imbere y'ubutabera kubera kurenga ku biteganywa n'itegeko nshinga, gusa kuva mu 2016, Gen Musharraf aba i Dubai, yanze kwitaba urukiko inshuro zose rwamuhamagaje aregwa kuba mu kwezi kwa 11/2007 yatangaje ibihe bidasanzwe, ahagarika kubahiriza itegeko nshinga, ibi byateye imyigaragambyo yaguyemo abantu, nyuma y’aho gato mu 2008 yegura ku butegetsi.

Nyuma y'uko mu kwezi kwa 11/2007 atangaje ibihe bidasanzwe agahagarika kubahiriza itegeko nshinga bigatera imyigaragambyo yaguyemo abantu, General Pervez Musharraf mu 2008 yeguye ku butegetsi.


Ubwo Nawaz Sharif yavanye ku butegetsi mu 1999  yatorwaga nka minisitiri w'intebe mu 2013 yahise ashinga urubanza rumurega ubugambanyi; mu gihe Gen Musharraf we yavuze ko ibyo aregwa bishingiye ku mpamvu za politiki kuko ibyo yakoze mu 2007 byemewe na guverinoma, gusa Itegeko nshinga rya Pakistan rivuga ko uhamwe n'ubugambanyi ahanishwa igihano cyo gupfa.


Gen Musharraf ubu ufite imyaka 76, mu 1998 yagizwe umugaba w'ingabo za Pakistan, mu 1999 ingabo zashwanye na guverinoma yari iyobowe na minisitiri w'intebe Nawaz Sharif maze ziramuhirika, Bwana Musharraf afata ubutegetsi, aho kugeza mu 2008 yarokotse ibikorwa byinshi byahigiraga kumwica cyangwa kumuhirika ku butegetsi.


Ku rwego mpuzamahanga azwi cyane kuba yarashyigikiye Amerika mu kiswe intambara ku iterabwoba nyuma y'ibitero kuri Amerika n’ubwo mu gihugu batari babishyigikiye.
Mu 2008 uyu mugabo yavuye mu gihugu, ahagaruka mu 2013 aje kwiyamamaza mu matora y'umukuru w'igihugu ariko urukiko rurabimwangira.

General Pervez Musharraf azwi cyane kuba yarashyigikiye Bush bari kumwe ku ifoto mu kiswe intambara ku iterabwoba .

 

GIRICYO UBIVUGAHO


Iyi nkuru ntiravugwaho!