Rayon sports day igiye gutuma abafana 8000 bemererwa kwinjira muri stade muri Covid-19

 Inshamake   Mu gihe ikipe ya Rayon sports yitegura kumurikira abakunzi bayo abakinnyi n’imyambaro izakoresha mu mwaka w’imikino 2021-2022, biravugwa ko abafana 8000 bazemererwa kwinjira muri iki gikorwa.

Rayon sports day igiye gutuma abafana 8000 bemererwa kwinjira muri stade muri Covid-19

 Inshamake   Mu gihe ikipe ya Rayon sports yitegura kumurikira abakunzi bayo abakinnyi n’imyambaro izakoresha mu mwaka w’imikino 2021-2022, biravugwa ko abafana 8000 bazemererwa kwinjira muri iki gikorwa.

Umusare - Amakuru mu buryo utamenyereye.

Ni igikorwa giteganijwe ku Cyumweru tariki 24 Ukwakira 2021, aho biteganijwe ko kizabera muri Stade Amahoro i Remera, aho abakunzi ba Rayon Sports bazamurikirwa abakinnyi n’abatoza ndetse n'imyambaro igiye gutangirana shampiyona y’uyu mwaka wa 2021-2022.


Uretse iki gikorwa, biteganijwe ko Rayon sports izwi ku kazina ka Gikundiro kubera abafana benshi ifite, na cyane ko ariyo ifite benshi mu Rwanda, izanakina umukino wa gicuti n’ikipe ifatwa nk’umucyeba wayo w’ibihe byose ya Kiyovu Sports mu rwego rwo gushimisha abazaba bitabiriye ibi birori.

Biteganijwe ko aba aribo bakinnyi umutoza Masudi Djuma azifashisha atangira umwaka w'imikino 2021-2022.


Umuvugizi wa Rayon sports, Nkurunziza J Paul mu butumwa bugufi yemereye Umusare ko abafana bazaba bemewe ku kibuga, anavuga ko bazaba basabwa kugura itike, kuba barikingije Covid-19 kandi baranayipimishije.

Ni mu gihe kandi hari amakuru avuga ko FERWAFA na Minisiteri ya Siporo bemeye ko abafana binjira muri iki gikorwa kugira ngo batangire bapime niba abafana mu mupira w’amaguru bagaruka ku kibuga mu gihe shampiyona izaba itangiye, aho umufana ugomba kuza ku kibuga ari uko yaba yarafashe urukingo nibura rumwe rwa Covid-19 ndetse akabanza no kwipimisha Covid-19 mbere y’amasaha 72.

Igikorwa cya Rayon sports day nicyo gishobora kuba igipimo cyiza kuri FERWAFA na Minisiteri ya siporo mu kureba niba abakunzi b'umupira w'amaguru bagaruka ku bibuga.


Rayon sports day yaherukaga mu mwaka wa 2019, ni mu gihe benshi bibazaga igihe abafana b’umupira w’amaguru bazagarukira ku bibuga nyuma yo guhagarikwa kuza kubera Covid-19, dore ko imyaka yari igiye kuba ibiri nta mufana ukandagira ahakinirwa ruhago.

Kubera Covid-19, Rayon sports day yaherukaga mu mwaka wa 2019.


 

GIRICYO UBIVUGAHO


Iyi nkuru ntiravugwaho!