Rwanda: Abayoboke 7 ba DALFA-Umurinzi batawe muri yombi

 Inshamake   Umuyobozi w'ishyaka DALFA-Umurinzi ritavuga rumwe n'ubutegetsi mu Rwanda avuga ko kugeza kuri iki cyumweru abayoboke baryo barindwi ari bo bamaze gutabwa muri yombi n'urwego rw'ubugenzacyaha (RIB).

Rwanda: Abayoboke 7 ba DALFA-Umurinzi batawe muri yombi

 Inshamake   Umuyobozi w'ishyaka DALFA-Umurinzi ritavuga rumwe n'ubutegetsi mu Rwanda avuga ko kugeza kuri iki cyumweru abayoboke baryo barindwi ari bo bamaze gutabwa muri yombi n'urwego rw'ubugenzacyaha (RIB).

Umusare - Amakuru mu buryo utamenyereye.

Victoire Ingabire Umuhoza ukuriye iryo shyaka ritemewe n'amategeko y’u Rwanda yabwiye BBC ko kuri abo hiyongereyeho abagore babiri bamuba bugufi, bo batari abayoboke baryo.

Yagize ati

Hari igihe nkenera amafaranga bakajya kuyanshakira, bagahemba abakozi, ni aba assistants mu by'ukuri hano mu rugo.

 

Ni mu gihe mu kiganiro gito kuri telefone, Umuvugizi wa RIB yabwiye BBC ko aza kuvugana na yo kuri ibi bivugwa n'umukuru wa DALFA.

 

Ibi biravugwa nyuma y’aho ku wa Gatatu tariki 13 Ukwakira 2021, RIB yatangaje kuri Twitter ko yafunze abantu batandatu barimo na nyir'isheni Umubavu TV yo kuri YouTube, Théoneste Nsengimana bakurikiranyweho "gutangaza amakuru y'ibihuha agamije guteza imvururu n'imidugararo muri rubanda".

 

Madamu Ingabire ku wa kane yabwiye BBC ko muri abo batandatu, abandi ari abo mu ishyaka rye barimo n'abari barihagarariye ku rwego rw'intara, mu gihe kuri iki cyumweru yavuze ko umunyamakuru Nsengimana atari umuyoboke wa DALFA.

 

Avuga kuri umwe muri abo bagore babiri avuga ko bafunzwe, Madamu Ingabire yagize ati

Ni umuryango we wambwiye ko umugore bamutwaye, bamubaza courrier [ubutumwa] namuhaye hashize amezi menshi, hafi nk'umwaka, nohererezaga abantu b'umuryango wanjye [mu Buholandi] y'ibintu bya anniversaire, objets d'art...


Mu butumwa bwo kuri Twitter ku wa Gatatu, RIB yasabye "abaturarwanda bakoresha imbuga nkoranyambaga kwirinda kuba umuyoboro w'abashaka guhungabanya umutekano w'igihugu", ivuga ko "abenshi bihishe mu mahanga".

GIRICYO UBIVUGAHO


Iyi nkuru ntiravugwaho!