Ubuhinde bugiye gutangira kohereza inkingo za COVID-19 mu mahanga

 Inshamake   Mu mpera z'uku kwezi, Ubuhinde buzatangira kohereza mu mahanga inkingo za COVID-19 nyuma y'igihe gito zemejwe muri iki gihugu.

Ubuhinde bugiye gutangira kohereza inkingo za COVID-19 mu mahanga

 Inshamake   Mu mpera z'uku kwezi, Ubuhinde buzatangira kohereza mu mahanga inkingo za COVID-19 nyuma y'igihe gito zemejwe muri iki gihugu.

Umusare - Amakuru mu buryo utamenyereye.

Ibi ni ibyatangajwe n’umwe mu bayobozi  muri Minisiteri y'ububanyi n'amahanga aganira na BBC dukesha iyi nkuru.

 

Ubusanzwe Ubuhinde bukora/butubura 60% by'inkingo zikenerwa ku isi, aho kugeza ubu ibihugu byinshi bitegereje cyane ko butangira kohereza inkingo ngo bibonereho, gusa uyu muyobozi yahakanye amakuru ko Ubuhinde butazohereza inkingo mu mahanga kugira ngo bubanze buhaze abazikeneye mu gihugu.

 


Iki gihugu kimaze kwemeza gukoresha byihutirwa inkingo ebyiri zizatangira guterwa abantu muri uku kwezi kwa Mutarama, buri gutegura gahunda nini cyane ku isi yo gukingira abantu, aho bategura gukingira abantu miliyoni 300 kugeza mu kwezi kwa karindwi(Nyakanga).

 

Abashinzwe kugenzura imiti mu Buhinde bamaze kwemeza inkingo ebyiri zirimo urwakozwe na AstraZeneca na Oxford University (Covishield) n'urwakozwe na kompanyi yo mu Buhinde yitwa Bharat Biotech (Covaxin).


Umuyobozi muri Minisiteri y'ububanyi n'amahanga avuga ko Ubuhinde buri kunoza gahunda yo gufasha ibindi bihugu kugerwaho n'urukingo, aho ibihugu byinshi muri Africa bisanzwe bikoresha imiti n'inkingo byinshi bikorerwa cyangwa bituburirwa mu Buhinde, byiteze cyane inkingo za COVID-19  zivuye mu Buhinde.

 

Uyu muyobozi utifuje gutangazwa yagize ati


Mu byumweru bibiri nidutangira gukingira tuzatangira no kohereza inkingo mu bihugu bimwe bituranyi. Zimwe muzo tuzohereza tuzazishyura nk'impano, izindi zizishyurwa ku giciro guverinoma iziguraho.

 

Tariki 03 Mutarama 2021 abashinzwe imiti mu Buhinde bemeje ikoreshwa rya ziriya nkingo ebyiri, mu minsi 10 uhereye icyo gihe bazatangira gukingira Abahinde, ni mu gihe umuyobozi w’ikigo Serum Institute India kiri gutubura urukingo rwakozwe na Oxford/AstraZeneca mu Buhinde, kuri uyu wa kabiri tariki 5 Mutarama yabwiye BBC ko ikigo akuriye cyemerewe kohereza uru rukingo mu mahanga, aho ku ikubitiro mu byumweru bicye bazoherereza Bangladesh, Arabia Saoudite na Maroc.

 

Serum Institute na Bharat Biotech bamaze gutegura inkingo doze zirenga miliyoni 70 za COVID-19, mu gihe kandi bakomeje gutunganya izindi nyinshi bagamije guhaza isoko ry'abazikeneye, dore k0 ibi bigo bibiri bikora inkingo byasohoye itangazo bihuriyeho bivuga ko bizatanga inkingo za COVID-19 zikenewe ku isi.

GIRICYO UBIVUGAHO


Iyi nkuru ntiravugwaho!