Umunyasomaliyakazi unenga Trump yongeye gutsinda amatora aguma mu nteko y’Amerika!

 Inshamake   Ilhan Omar, umunyamerikakazi ukomoka muri Somalia, yatorewe kuguma mu mwanya w'umudepite uhagarariye leta ya Minnesota, atsinda ku majwi 64%.

Umunyasomaliyakazi unenga Trump yongeye gutsinda amatora aguma mu nteko y’Amerika!

 Inshamake   Ilhan Omar, umunyamerikakazi ukomoka muri Somalia, yatorewe kuguma mu mwanya w'umudepite uhagarariye leta ya Minnesota, atsinda ku majwi 64%.

Umusare - Amakuru mu buryo utamenyereye.

Ilhan Omar yamenyekanye cyane kubera kunenga yeruye politiki za Perezida Trump ku bubanyi n'amahanga, ivanguramoko, n'abagore.

 

Amaze gutsinda, Madamu Omar w'imyaka 38, yabwiye BBC ko ibi bifite icyo bisobanuye ku rubyiruko rw'abakobwa n'abasore.

 

Yagize ati

Ntekereza ko intsinzi yanjye ari umusaruro wo kuba umunyakuri muri politiki, by'umwihariko iyo ukorera abantu ubaha icyizere cy'iterambere.

 

Madamu Omar yavuze ko urugamba rwe kuri Perezida Trump rutazahagarara, niba uyu nawe yongeye gutorwa.

 

Ati

Ndatekereza ko urugamba ruzasubukura. Nk'uko mubizi uyu si perezida ushaka gukorana n'abandi. Numva ari umunyamico mibi udashaka uburinganire bw'abantu...Nizera ko abantu tubibona kimwe.

 

Madamu Omar yageze muri Amerika nk'impunzi afite imyaka 10, ari kumwe n'ababyeyi be bavuye mu nkambi ya Dadaab muri Kenya aho bari barahungiye intambara yo muri Somalia, akaba ari umunyamerika wa mbere wavukiye muri Somalia, n'Umunyafurika wa mbere wahawe ubwenegihugu, wabaye umudepite wa Amerika.

Madamu Omar yageze muri Amerika nk'impunzi afite imyaka 10, asanga Trump atari perezida ushaka gukorana n'abandi, ndetse ari umunyamico mibi udashaka uburinganire bw'abantu.

Kugeza ubu ibimaze kuva mu matora byerekana ko Joe Biden ari we watsinze amatora muri leta ya Minnesota, ari nayo Ilhan Omar ahagarariye mu nteko, yabayemo imyigaragambyo ikomeye mu mezi ashize nyuma y'uko umwirabura George Floyd apfuye nyuma yo gutsikamirwa ku ijosi n'umupolisi mu mujyi mukuru w'iyi leta, Minneapolis.

GIRICYO UBIVUGAHO


Iyi nkuru ntiravugwaho!